រឿង១០យ៉ាងដែលមនុស្សជោគជ័យធ្វើ៖
- កុំបណ្តោយអោយភាពជោគជ័យគ្របដណ្តប់យើង
ជោគជ័យអាចក្លាយជាកាតាលិករនៃភាពបរាជ័យ។ មនុស្សភាគច្រើននៅពេលដែលបានជោគជ័យហើយក៏បណ្តោយអោយវាគ្រប់គ្រងលើខ្លួនបាន។ ភាពជោគជ័យ និង អំណាចអាចនឹងគ្រប់គ្រងពួកគេវិញបានប្រសិនបើពួកភ្លើតភ្លើន ទៅជាខ្ជិល លែងបន្តធ្វើអ្វីដែលខ្លួនកាលពីមុនខ្លួនធ្លាប់ធ្វើដើម្បីជោគជ័យកាលពីមុន។ ផ្ទុយទៅវិញ អ្នកជោគជ័យពិតប្រាកដមិនបញ្ឈប់ត្រឹមភាពជោគជ័យនេះទេពួកគេនៅតែប្រកាន់ខ្ជាប់នឹងទំលាប់ដែលធ្វើអោយគេជ័យហើយអភិវឌ្ឍខ្លួនដើម្បីទទួលបានជោគជ័យបន្តបន្ទាប់ទៀត។ - មានទំនួលខុសត្រូវនៅពេលពួកគេបរាជ័យ
អ្នកជោគជ័យត្រៀមខ្លួនជានិច្ចដើម្បីទទួលខុសត្រូវនៅពេលដែលកិច្ចការណាមួយរបស់ពួកគេបរាជ័យ។ សារភាពកំហុសរបស់ខ្លួន មិនបន្ទោសអ្នកដទៃ មិនបំភ័ន្តការពិត ហើយព្យាយាមកែតម្រូវ អភិវឌ្ឍគម្រោង គឺជាទង្វើររបស់អ្នកជោគជ័យ។ ការទទួលខុសនឹងធ្វើអោយអ្នកមិនមានសម្ពាធ និងជាអ្នកដឹកនាំពិតប្រាកដ។ - លទ្ធផលជាអ្នកវាយតម្លៃ
សៀវភៅរបស់ ខាល ញូផត បានបែងចែកភាពខុសគ្នារវាងកិច្ចការស្នូល និងកិច្ចការធម្មតា។ កិច្ចការស្នូស ជាកិច្ចការដែលកម្រមានអ្នកធ្វើបាន ជាកិច្ចការដែលមានតម្លៃ ហើយពិបាកនឹងអោយគេធ្វើតាមបាន ចំណែកការងារដែលមិនធ្វើឲ្យយើងជោគជ័យនោះគឺជាការងារធម្មតា មិនត្រូវបានគេផ្តល់កម្រៃច្រើន ហើយអ្នកណាក៏អាចធ្វើបាន។ អ្នកជោគជ័យតែងតែធ្វើការស្នូលខណៈអ្នកដទៃកំពុងជជែកគ្នាពិភាក្សាគ្នាឥតឈប់ឈរដែលអាចចាត់ទុកជាកិច្ចការធម្មតា។ ធ្វើការងារមិនត្រូវមានតែសម្តីប៉ប៉ាច់ប៉ប៉ោចឥតបានការ ហើយក៏គ្មាននរណាសរសើរពួកគេនោះដែរ មានតែធ្វើការឲ្យសម្រេចទើបជាអ្នកជោគជ័យហើយមិនបាច់ដើរប្រាប់គេក៏គេដឹងដែរ។ - ក្រោយបរាជ័យ
ក្រោកឡើងដោយកម្លាំងចិត្ត
ការងើបឈរឡើងវិញជាមួយកម្លាំងចិត្តគឺជាចំណុចពិសេសរបស់អ្នកជោគជ័យ។ អ្នកអាចទ្រាំទ្រនឹងសម្ពាធខ្លាំងប៉ុណ្ណា អ្នកក៏អាចជោគជ័យខ្លាំងប៉ុណ្ណោះដែរព្រោះអ្នកបរាជ័យតែងតែមិនអាចស៊ូទ្រាំនឹងសម្ពាធបាន។ ការហ្វឹកហាត់កម្លាំងចិត្តរបស់អ្នកឲ្យរឹងមាំជាចំណុចសំខាន់របស់អ្នកជោគជ័យ។ ចិត្តរបស់អ្នកដល់ទីណា កាយរបស់អ្នកក៏ដល់ទីនោះដែរ។ ការគិតរបស់អ្នកដល់ទីណា ជីវិតរបស់អ្នកក៏ដល់ទីនោះដែរ។ - ការជឿជាក់លើខ្លួនឯងជាទ្រព្យដ៏សំខាន់បំផុត
អ្នកប្រហែលជាដឹងហើយថា គ្រប់ប្រភេទកីឡាទាំងអស់សុទ្ធតែត្រូវការកម្លាំងចិត្តខ្លាំងជាងកម្លាំងកាយ។ កម្លាំងចិត្តរបស់អ្នកកំណត់ពីទំហំឧបសគ្គដែលអ្នកត្រូវប្រឈរមុខ និងជោគជ័យដែលអ្នកនឹងសម្រេច។ កម្លាំងចិត្តរបស់អ្នកកំណត់ពីការរើ់បម្រាស់របស់អ្នកពេលអ្នកបរាជ័យ។ បើអ្នកមិនជឿជាក់លើខ្លួនឯងទេ អ្នកនឹងគ្មានថ្ងៃឈរលើចំណាត់ថ្នាក់លេខ១ទេ។ នៅពេលអ្នកមានកម្លាំងចិត្ត អ្នកនឹងមិនខ្វល់ថាអ្នកបរាជ័យប៉ុន្មានដងទេ។ ហើយការមិនបាក់ទឹកចិត្តនៅពេលបរាជ័យ នោះហើយនឹងធ្វើឲ្យអ្នកជោគជ័យនាថ្ងៃណាមួយ។ - ធ្វើឲ្យខ្លួនឯងហុំព័ទ្ធដោយអ្នកដែលជុំរុញយើងគិតពីអនាគត
នៅពេលអ្នកស្ថិតក្នុងចំណោមដែលធ្វើឲ្យអ្នកគិតតែពីអតិតកាលមិនល្អនោះ អ្នកនឹងពិបាកធ្វើដំណើរបន្តទៅមុខទៀតណាស់នេះហើយដែលធ្វើឲ្យយើងស្ថិតក្នុងសភាពដែលមិនអាចដកខ្លួនបាន។ នៅជុំវិញមនុស្សដែលជោគជ័យធ្វើឲ្យខ្លួនយើងជោគជ័យ ព្រោះពួកគេគិតតែភាពជោគជ័យនាពេលអនាគត មិនមែនរឿងបរាជ័យនៅពេលអតិតកាល។ - ឈប់ខ្វល់ពីបទពិសោធន៍មិនល្អ
តែក៏មិនត្រូវបំភ្លេចវាដែរ
ជាមនុស្សជោគជ័យទាមទារអោយអ្នកទម្លាក់សម្ពាយផ្លូវចិត្ត និងអារម្មណ៍ដែលមិនសំខាន់ចោល។ បន្ទាប់អ្នកត្រូវអត់ឱនឲ្យអ្នកដែលធ្វើខុសមិនលើអ្នក តែក៏មិនត្រូវបំភ្លេចដែរ មានន័យថាអ្នកមិនត្រូវធ្វើជំនួញជាមួយមនុស្សដែលធ្លាប់ផ្តល់បទពិសោធន៍បរាជ័យឲ្យយើងនោះទេ។
- មានគោលដៅច្បាស់លាស់
គោលដៅសំដៅលើសកម្មភាពដែលចង់ធ្វើអ្វីមួយ (ឧទាហរណ៍ ខ្ញុំនឹងសរសេរអត្ថបទ១ក្នុងមួយថ្ងៃ) និងលទ្ធផលដែលចង់ទទួលបាន ខ្ញុំនឹងធ្វើឲ្យអត្ថបទនោះចុះក្នុងទំព័រសារព៌តមានដែលល្បីមួយ។ ដូច្នេះទន្ទឹមនឹងអ្នកចង់ធ្វើអ្វីមួយ អ្នកគួរគិតពីលទ្ធផលដែលអ្នកនឹងទទួលបានថាតើវានឹងជួយឲ្យអ្នកក្លាយជាមនុស្សដែលជោគជ័យដែរឬទេ? មិនមែនចេះតែចង់ធ្វើនេះធ្វើនោះមិនឆ្ពោះត្រង់ណានោះទេ។ - ធ្វើភ្លាម ជាជាងនៅវិភាគ ឬពន្យាពេល
បង្ហាត់ខ្លួនឯងឲ្យចាប់ផ្តើមធ្វើភ្លាមនៅពេលអ្នកគិតថាអ្នកត្រូវតែធ្វើវា ឈប់សួរខ្លួនឯង ឈប់វិភាគទៀត។ អ្នកនឹងដឹងថាអ្នកនឹងត្រូវធ្វើអ្វីបន្ទាប់ទៀត នៅពេលអ្នកចាប់ផ្តើមជំហ៊ានដំបូងហើយ។ បើអ្នកមិនបោះជំហ៊ាន វានៅតែជាក្តីស្រម៉ៃ។ - គិត និងអនុវត្តឲ្យខ្លាំងជាងគេ១០ដង
មនុស្សជាច្រើន ទោះបីជាអ្នកជំនួញលំដាប់ពិភពលោកក៏មិនអាចជោគជ័យលើសគេ១០ដងដែរ។ ជាការពិតអ្នកអាចពូកែជាងគេគ្រប់គ្នាប្រសិនបើអ្នកបង្កើនការគិត និងជំនឿរបស់អ្នក។ ការរៀនគិតបៀបនេះជុំរុញឲ្យអ្នកចេញពីស្ថានភាព និងកម្រិតបច្ចុប្បន្នរបស់អ្នកដោយស្វ័យប្រវត្តិ។ វាជុំរុញឲ្យអ្នកចេញផុតពីស្ថានភាពដែលមនុស្សទូទៅកំពុងជួបប្រទះ ហើយបើកទ្វាឲ្យអ្នកនូវនិស្ស័យថ្មីស្រឡាងមួយដែលអ្នកនឹងតែងតែជឿថា អ្នកនឹងអាចធ្វើបានជានិច្ច។
No comments:
Post a Comment